[johnxarce]

Blogger is a blog publishing system. It was created by Pyra Labs, which was bought by Google in 2003.

[3gp-pinay]

Dito tayo nag umpisa maganda din naman blogger saka mabilis ma index sa google

[johnxarce]

may blogger din akong account kasi hindi ko na nauupdate eh

[littlecut]

^^ pede bang magpost ng link ng blogger account dito?

[johnxarce]

ahh yup pero mas better siguro sa show your blog forum dun kame mag magbibigay ng comments sa blog mu

[eizarg]

>> ask ko lang..
>> pwede bang i customize ang background ng i.ph blog??

[mightypawz]

Buhay. Ano nga ba ang buhay..? Bakit ganito, bakit ganyan..? Palagi na lang ganito bakit hindi kailanman naging

ganyan..? Ang gulo ng buhay. Walang katiyakan nga naman. Ang buhay parang isang laro lamang, yun nga

lang hindi mo alam kung anong layunin ng larong ito. Hindi mo alam ang katuturan. Eh ang tanong

may katuturan nga ba ito..? Mamamatay rin lang naman tayo hindi ba..? Kaya anong silbi

ng lahat ng paghihirap na dinaranas natin..? Lahat ng sipag at tiyaga natin para

sa isang bagay, para saan iyon kung matatapos rin lang naman

ang lahat ng ito..? Anong silbi ko sa mundo..?

Ano nga ba..? Ang tanong, may mundo

nga ba..? Totoo ba ang lahat

ng nakikita natin..?

Hindi mo alam..

Eh alam mo nga ba talaga ang mga bagay na iniisip mo na alam mo..? O hindi..? Paano mo naman malalaman, o

hindi malalaman ang mga bagay-bagay kung hindi mo alam kung paano mo sila nalalaman..? Ang gulo, no...

Kaya masasabi ko lang, tama na ang buwisit na pilosopiya at mabuhay ng normal sa awa ng Diyos,

mga tao. Hindi naman kasi natin kailangang tanungin lahat ng mga walang maka-

buluhang bagay dahil kailangan lang nating mabuhay at maniwala.

Hindi natin kailangang maging skeptikal sa lahat-lahat

kasi wala rin namang kahihinatnan iyan.

May masama nga lang na

naidudulot, at

ano iyon..?

Kalungkutan.

At sino namang gustong maging malungkot..?

Edi wala kaya mga tao, mabuhay nang mapayapa mula sa katanungan at pag-iisip

na skeptikal at magsimulang maging rasyonal. Sapagkat iisa lang ang buhay natin. At

kailangan natin iyong gamitin at palaguin sa mga mas makabuluhang bagay?.dito sa ating

kinaugaliang mundo. Wala pa tayo sa kabila, huwag na muna nating alalahanin iyon. Tsaka na pag

nandoon na tayo. Mabuhay..!

[mightypawz]

Buwisit. Bakit ba kasi naman tayo laging nagkakasipon. Buwisit na mga birus. Hindi na lang kasi sila mag-f….okey, umalis at hindi na mang-abala. Agh, nakakainis pa talaga kapag may pagsusulit ka tapos may sipon ka pa at kinakailangan mo talagang suminga! Tapos hindi ka pa makapag-isip nang maayos kasi nga sa buwisit na sipon mo. Katulad kanina sa pharmacology kong eksam. Kainis. Kahit sa klase, nakakainis kapag laging napupuno ng sipon ilong mo tapos palagi ka pang nababahing. Buwisit.

Paano naman kaya ako makakapagtrabaho mamaya? Ayoko ngang hindi pumasok dahil sa sipon na ito, kaso lang baka naman hindi rin ako pagtrabahuin kasi baka hindi magustuhan ng mga kumakain doon sa restawran na 'yun. Ah bahala, papasok pa rin ako, bahala na, haha.

Hay, minsan rin talaga napakareklamador ko. Subukan ko kayang hindi magreklamo para hindi ako magmukhang matanda. Ah! Tungkol nga pala doon sa koneksyon ng pagiging reklamador at pagtanda, naalala ko 'yung sinabi sa 'kin ng ate ko. Doon kasi sa pinagtatrabahuan niya kung saan nagbibigay siya ng mga medisina para sa mga matatandang tao, mayroon doong isang matanda. Mga siyamnapung (? - hala ka hindi ko na maalalang magsulat ng mga numero) taong gulang na 'yun siya pero kahit isang kulubot sa balat niya WALA! Okay siguro nga meron kahit onti, pero onting-onti nga lang talaga! Sobrang onti para sa siyamnapung taong gulang na tao. At hindi pa siya kukuba-kuba, okey pa rin siya, nakakakilos pa siya nang maayos at hindi niya talaga kailangang humingi ng tulong para sa mga madadaling bagay.Si Ate Kris naman, hindi na makapagpigil isang araw, tinanong niya dito sa matandang ito kung ano ang lihim niya. Ano nga ba naman? Nakakapagtaka rin naman diba? Ano 'yun, elixir of life, fountain of youth? Hindi naman. Wala siyang ibang sikreto ang sabi niya lang sa buong buhay niya hindi siya nagrereklamo. Palaging positibo pag-iisip niya. Kahit na nagsimatayan na halos lahat ng mga mahal niya sa buhay pati mga kaibigan, positibo pa rin siya. Sabi niya: "Svona er l?fi?" na ibig sabihin ganyan talaga ang buhay. Totoo nga naman, wala rin naman tayong magagawa sa mga bagay na 'yon, bakit pa tayo magrereklamo.

Ang galing. Ang galing talaga. Kaya mga bata, huwag na kayong magreklamo sa mga bagay-bagay sa mundo at maging positibo…………..ARAY! Natamaan yata ako. Okey, hihinto na ako sa pagrereklamo dito sa kapiranggut na sakit na ito. Tatawa na lang ako. MNH. Hahaha. Mawawala rin naman ito kaya tawanan na lang tayo!

At isa pa, kinakailangan nating apatnapung kalamnan para sumibangot pero apat lang para magbigay ng daliri:P MNH wala lang, nasisiraan ako ngayon, umakyat na yata sa utak ko 'yung birus.

Haha, hanggang sa muli!

[eizarg]

^ pawz: wrong section ka..
>> thread ito para sa discussion about blogger..